काठमाडौं २७ जेठ/एक्कासि सडक भासिएर विद्यार्थी बोकेको बस दुर्घटना हुँदा चार विद्यार्थी र शिक्षिका घाइते भएका छन् । चाँगुनारायण नगरपालिका–८ आरुबारीस्थित सडक भासिएर आरक्षण नेसनल एकेडेमीको विद्यार्थी बोकेको बा४ख ८८६६ नम्बरको बस दुर्घटना हुँदा पाँच जना घाइते भएका हुन् ।
घाइते हुनेमा चाँगुनारायण नगरपालिका–८ जितपुरका ११ वर्षीय सौगात कार्की, ९ वर्षीय अनमोल दुलाल, ९ वर्षीय सन्देश सापकोटा र ३ वर्षीया अंकिता श्रेष्ठ र १९ वर्षीया शिक्षिका विद्या कार्की छन् । घाइतेको मध्यपुर अस्पताल नयाँ ठिमीमा उपचार भइरहेको छ । घाइते सबैको अवस्था खतरामुक्त रहेको महानगरीय प्रहरी वृत्त जगातीले जनाएको छ ।

कान्तिपुरमा प्रकाशित खबर ।