ललितपुर - मानभवनस्थित क्यारेबियन कलेजका विद्यार्थी लिएर पिकनिक गएको बस काठमाडौंको छैमलेमा दुर्घटना हुँदा एक विद्यार्थीको ज्यान गएको छ । दुर्घटनामा २३ जना घाइते भएका छन् । दुर्घटनामा प्यूठानका १८ वर्षे विद्यार्थी युवराज केसीको निधन भएको प्रहरीले जनाएको छ । अन्य घाइतेको ट्रमा सेण्टर र गणेशमान अस्पतालमा उपचार भइरहेको छ ।

कलेजका प्रिन्सिपल चन्द्रायन श्रेष्ठका अनुसार कक्षा १२ विज्ञान समूहका विद्यार्थी पिकनिक गएका थिए । ‘पिकनिकको सबै व्यवस्था विद्यार्थी आफैले गरेका हुन्, प्रिन्सिपल श्रेष्ठले एडुखबरसित भने, ‘क्याटेरिङ् सहित अन्य ब्यवस्थापन विद्यार्थी आफैंले गरेका हुन्, दुई वटा गाडी भाडामा लिएर उनीहरु पिकनिक गएका हुन् ।

दुईवटा मध्ये बा २ ख ६९२२ नम्बरको बस दुर्घटना भएको हो ।

फर्पिङ् प्रहरीका अनुसार बस सडकबाट करिब १ सय मिटर तल खसेको छ ।