Tilak Kunwar

अहिले शिक्षा मन्त्रालयमा असार लागेको छ। मन्त्रीदेखि गाडि चालकसम्म सबैलाई भ्याइनभ्याई भएको छ। कोहि मेची पुगेका छन् त कोहि महाकाली, तराई, हिमाल, गाँउ–शहर जताततै शिक्षाका कर्मचारीको उपस्थिति देखिन्छ। शिक्षा मन्त्रालयको अहिलेको सक्रियतालाई हेर्दा त जो कोहिलाई भान हुन सक्छ कि नेपालमा विद्यालय अनुगमनमा कुनै कमि छैन, विद्यालयको सुधारमा सरकार सारै चिन्तित् छ, विद्यालयको विकासका लागि जति पनि लगानि गर्न सरकार पछि हट्नेवाला छैन ....इत्यादी । तर यथार्तता भने यस्तो छैन ।

बर्षभरि एकचोटि पनि कक्षा कोठोमा नछिर्ने शिक्षाका कर्मचारी अहिले एस.एल.सी. परिक्षाको अनुमनमा देशदौडाहामा छन् । परीक्षा केन्द्रमा जिल्ला देखि मन्त्रालयतहका अनुगमन कर्ताको मेला लागेको छ । उनिहरुलाई काम पनि दाम पनि भएको छ। साहेद परीक्षा नियन्त्रण कार्यलयले ठूलै रकमको अनुगमन विल भुक्तानी गर्नु पर्ने होला ? मलाई लाग्दछ – अहिले को अनुगमन विध्यार्थी र विद्यालयको लागि फलदायी छैन।

शिक्षकले तोकिए अनुसार पढाएनपढाएको र विद्यार्थी सिकाइमा सक्रिय सहभागिता भएन भएको बारे कक्षा कोठामा अनुगमान निरिक्षण गर्ने हो भने परीक्षा आफै मर्यादित र व्यवस्थित हुन्छ। अत : आगामी दिनमा परीक्षालाई होइन कि कक्षा कोठाको पढाइको अनुगमनमा ध्यान पुर्याउँ । यसैले शिक्षामा शुधार ल्याउन मद्दत पुग्ला ।