काठमाडौं १ मंसिर । मादक पदाथ सेवन गरी विद्यालय जाने शिक्षक पक्राउ परेका छन् । खोटाङको सदरमुकाम दिक्तेलस्थित सरस्वती आधारभूत विद्यालयका अस्थायी पदमा कार्यरत शिक्षक मानबहादुर खत्री सोमबार पक्राउ परेका हुन् ।
टेलिफोनमा सूचना पाएर विद्यालयमा पुग्दा उहाँले मापसे गरेको पाइयो, जिल्ला शिक्षा अधिकारी ज्ञानमणि नेपालले भने, तत्काल डिएसपी साबलाई खबर गरेर पक्राउ गर्न आग्रह गर्यौं, प्रहरीले नियन्त्रणमा लिएर मेडिकल जाँच गरेर नियन्त्रणमा राखेको छ ।
मापसे गरेर विद्यालयमा गएकाले शिक्षा ऐन नियमावलीअनुसार अवकाससम्मको कारबाही हुन सक्ने शिक्षा कार्यालयले जनाएको छ ।
मापसे गरेर विद्यालय गएका शिक्षक पक्राउ शिर्षकमा नागरिकमा प्रकाशित खबर ।