बोर्डले परीक्षा भएको २० औं दिनमा नतिजा सार्वजनिक गरेको हो । गत कात्तिक ६ गते भएको मौका परीक्षामा ३२ हजार ६ सय ३६ परीक्षार्थीहरुको सहभागिता रहेको बोर्डले जनाएको छ । परीक्षा सञ्चालनका लागि बोर्डले देशभर ८७ परीक्षा केन्द्र निर्धारण गरेको थियो । बोर्डले विद्यार्थीको नियमित पढाइलाई असर नपर्ने गरी परीक्षाफल प्रकाशन गरेको जनाएको छ ।

नियमिततर्फको एक विषयमा अनुत्तीर्ण भएका विद्यार्थीहरु मौका परीक्षामा समावेश हुन पाउने व्यवस्था छ । बोर्डले गत भदौ २७ गत्ते नियमिततर्फको परीक्षाफल प्रकाशन गरेको थियो ।

परीक्षाफलबाट चित्त नबुझेका परीक्षार्थीले १५ दिनभित्र पूनर्योग गराउन सक्ने पनि बोर्डले जनाएको छ । त्यसको लागि १५ दिनभित्र बोर्डमा आएर आवेदन दिनसक्नेछ ।