भक्तपुर - राष्ट्रिय परीक्षा बोर्डले कक्षा १२ को मौका परीक्षाको नतिजा आज सार्वजनिक गर्दै छ । नतिजा सार्वजनिक गर्नु अघि दिउँसो ४ बजे परीक्षा बोर्डको बैठक डाकेको बोर्ड श्रोतले जनाएको छ ।
नतिजा एडुखबर मार्फत थाह पाउन सक्नुहुने छ ।  

परीक्षा भएको २० औं दिनमा नतिजा सार्वजनिक हुन लागेको हो ।  गत कात्तिक ६ गते भएको मौका परीक्षामा ३३ हजार ५ सय परीक्षार्थीहरुको सहभागिता रहेको बोर्डले जनाएको छ । परीक्षा सञ्चालनका लागि बोर्डले देशभर ८७ परीक्षा केन्द्र निर्धारण गरेको थियो । बोर्डले विद्यार्थीको नियमित पढाइलाई असर नपर्ने गरी परीक्षाफल प्रकाशन गर्न लागेको जनाएको छ ।

नियमिततर्फको एक विषयमा अनुत्तीर्ण भएका विद्यार्थीहरु मौका परीक्षामा समावेश हुन पाउने व्यवस्था छ । बोर्डले गत भदौ २७ गत्ते नियमिततर्फको परीक्षाफल प्रकाशन गरेको थियो ।