भक्तपुर– भक्तपुरको दुवाकोटस्थित मनोहरा निमाविका विद्यार्थीहरुलाई छात्रवृत्ति प्रदान गरिएको छ ।

चाँगुनारायण नपा वडा नंं. १४ वेसीस्थित उक्त विद्यालयले छात्रा छात्रवृत्ति अन्तर्गत ९० जना छात्रा र दलित छात्रवृत्तिअन्तर्गत ४ जनालाई छात्रवृत्ति प्रदान गरेको हो ।

बाल दिवसको अवसरमा विद्यालयमा आयोजित एक कार्यक्रमका अवसरमा जिल्ला शिक्षा कार्यालयका शाखा अधिकृत विचारीप्रसाद अधिकारी र चाँगुनारायण उमाविका स्रोव्यक्ति यौवनकुमार रानाले छात्रवृत्ति प्रदान गरेका थिए ।

सोही अवसरमा विद्यालयद्वारा आयोजित वक्तृत्वकला प्रतियोगितामा विजयी विद्यार्थीहरु अञ्जु लामा, ईश्वरी थापा र विकास श्रेष्ठलाई पुरस्कृत गरिएको विद्यालय व्यवस्थापन समितिका अध्यक्ष पहलमान श्रेष्ठले जानकारी दिए । विद्यालयको सामाजिक परीक्षणको नतिजा समेत सार्वजनिक गरिएको उक्त कार्यक्रम तथा पुरस्कारको लागि सिविसले आर्थिक सहयोग गरेको थियो ।