शनिबार, ०९ साउन २०७२
हालै शिक्षा विभागले ७५ वटै जिल्ला शिक्षा कार्यालयमा लियन पद राखी माथिल्लो तहमा कार्य गर्न नपाइने भनेर परिपत्र गरेको छ । शिक्षकहरु धमाधम आफ्नो साविक पदमा फर्कि पनि रहेका छन् । तर, प्रा.वि तथा निमावि दरवन्दीमा स्थायी शिक्षक भई स्रोत ब्यक्तिको रुपमा माथिल्लो तहमा कार्यरत स्रोतब्यक्तिहरु भने निर्लज्ज लियन पद राखी माथिल्लो तहमा काम गरिरहेका छन् ।
के एउटा प्रावि या निमावि तहको स्रोतब्यक्तिले उच्चमावि तहसम्म सञ्चालन भएको विद्यालयमा अनुगमन निरीक्षण गर्नु नियमसंगत छ ? फेरी स्रोत ब्यक्ति ब्यवस्थापन निर्देशिका २०७१ मा स्रोत ब्यक्ति हुन मावि तहमा कम्तिमा ७ बर्ष स्थायी सेवा गरेको स्नातकोत्तर तह उत्तीर्ण ब्यक्ति हुनुपर्ने ब्यवस्था छ ।
तर, यो ब्यवस्थाको उपहास भइरहेको छ । राजनीतिक आड र भनसुन कै भरभा प्रावि तहका शिक्षक उमावि तहको प्रधानाध्यापक भई मावि प्रथम तहको शिक्षकलाई अधिनमा राख्ने अत्यन्त शर्मिलो स्थिति पनि सामुदायिक विद्यालयमा छ । यसबाट स्वाभिमानी शिक्षकको मनोबल गिर्ने र आफ्नो शिक्षण कार्यलाई सुधार्ने जाँगर पनि स्वतः मरेर जान्छ । अहिले राजनीति संरक्षण भित्र यस्ता नियम विपरितको धेरै कार्यहरु शिक्षा क्षेत्रमा बढिरहेको छ जसबाट सामुदायिक विद्यालयको वातावरण पनि विग्रदै गएको हो ।
प्रतिक्रिया