मंगलबार, २९ बैशाख २०७२
काठमाडौं २९ बैशाख/भूकम्पले धादिङमा तीन सय १८ विद्यालय भत्किएका छन् ।
पाच सय ९७ विद्यालय मध्ये तीन सय १८ विद्यालयका २७ सय कक्षा कोठामा विद्यार्थी बस्नै नहुने गरी भत्किएको शिक्षा अधिकारी गणेश ढकालले बताए ।
अन्य विद्यालयको कक्षा कोठा पनि चकिएका छन् । जेठ १ देखि पठन पाठन हुने भनिएपनि कक्षा कोठा नभएकोले पढाई प्रभावित हुने देखिन्छ ।
अधिकांश विद्यालयका भवन भत्किएका छन् । नभत्किएका विद्यालयको भवन पनि चकिएर विद्यार्थी राख्ने अवस्थाको छैन । जिल्लाका ८० हजार विद्यार्थी मध्ये ६० प्रतिशत विद्यार्थीको प्रभावित हुनेछ ।
आजको गोरखापत्र दैनिकमा यो खबर छापिएको छ ।
प्रतिक्रिया