सोमबार, १४ असार २०७२
काठमाडौं, १४ असार/पाचथर जिल्लालाई पूर्ण साक्षर बनाउन थालिएको अभियान अन्तिम चरणमा पुगेको छ ।
जिल्लाका सबै ३८ गाबिस र एक नगरपालिकालाई साक्षर घोषणा भएसंगै जिल्ला घोषणाको तयारी गरिएको जिल्ला शिक्षा अधिकारी ज्ञानमणि नेपालले बताए । बाकी रहेका स्याबरुम्बा र रानीगाउलाई शनिबार घोषणा गरिएको हो । शुक्रबार फिदिम उच्च मावि स्रोत केन्द्र अन्तर्गतका फिदिम र भारपा गाबिसलाई पूर्ण साक्षर गाबिस घोषणा गरिएको थियो ।
साक्षरता अभियानमा जिल्लाका सबै दल, सरकारी कार्यालय र नागरिक समाजलाई सक्रिय बनाइएको छ । एक व्यक्तिले एक जनालाई साक्षर बनाइने अभियान अन्तर्गत एक महिना भित्रै साक्षर बनाइएको नेपालले दाबी गरे ।
आजको कान्तिपुर दैनिकमा यो समाचार छापिएको छ ।
प्रतिक्रिया