मंगलबार, २२ असार २०७२
काठमाडौं २२ असार /शिक्षा मन्त्री चित्रलेखा यादवलाई रिझाउन धनुषाका जिल्ला शिक्षा अधिकारीले सोलुखुम्बु जिल्ला शिक्षा कार्यालयको सवारी आफनो कार्यालयमा राखेका छन् ।
मन्त्री जिल्ला भ्रमण गर्न जनकपुर आउदा जिल्ला शिक्षा अधिकारी शंकर कार्कीले सोही सवारी साधन मन्त्री र मन्त्री परिवारलाई प्रयोग गर्न दिने गरेका छन् ।
करिब एक वर्षअघि सोलुखुम्बु सरुवा भएर गएका शिक्षा अधिकारी बीरबहादुर खड्काले जिशिकाको गाडी देख्नसमेत पाएका छैनन । उता मन्त्रीको चाकडीका लागि जिल्ला शिक्षा कार्यालय सिराहामा पनि दुई दुई वटा सवारी साधन राखिएको छ ।
शिक्षा मन्त्रीको पदबाहली गरेलगत्तै शिक्षा मन्त्रालयको निर्देशनमा शिक्षा विभागले मन्त्रीकै लागि सिराहामा एउटा नया गाडी पठाएको थियो ।
धनुषाका जिल्ला शिक्षा अधिकारी कार्कीले धनुषाको गाडी पुरानो भएपछि सोलुखुम्बुको गाडी प्रयोग गरिएको बताए ।
आजको नेपाल समाचारपत्र दैनिकमा इश्वरराज ढकालले यो खबर लेखेका छन् ।
प्रतिक्रिया