विहीबार, १४ साउन २०७२
काठमाडौं १४ श्रावण / एमाले निकट अनेरास्ववियुले साउन २९ र ३० गते काठमाडौंमा विधान सम्मेलन गर्ने निर्णय गरेको छ ।
विधान सम्मेलनले आगामी असोजमा गर्ने भनिएको संगठनको २२ औं राष्ट्रिय महाधिवेशनको मिति र स्थान घोषणा गर्ने प्रचार विभाग प्रमुख अशेष घिमिरेले जानकारी दिए ।
सम्मेलनले संगठनको विधान संशोधनसहित विद्यार्थी आन्दोलनको एजेन्डा, संगठन पुनर्निर्माण अभियानलगायतका विषयमा ठोस निर्णय लिने घिमिरेले बताए ।
‘एक निर्वाचन क्षेत्र एक नमुना उच्च मावि’ निर्माणको विस्तृत योजना विधान सम्मेलनमार्फत अगाडि बढाइने अनेरास्ववियुले जनाएको छ ।
बैठकले जनताको सुझावअनुसार पुन: कार्यकारी प्रधानमन्त्रीको पक्षमा उभिन मातृ पार्टी एमालेसँग माग गरेको छ ।
कान्तिपुरबाट
प्रतिक्रिया