ओखलढुंगा– चौतारा माध्यमिक विद्यालय मुलखर्कका संस्थापक एवं अध्यक्ष दिलबहादुर खत्रीलाई शैक्षिक विकासमा योगदान गरेको भन्दै सम्मान गरिएको छ । सामाजिक विकासको विभिन्न क्षेत्रमा योगदान पु¥याउदै आएका व्यक्तिलाई पद्ममादल स्मृति प्रतिष्ठानले हरेक बर्ष सम्मान गर्दै आएकोमा यस बर्ष समाजसेवी खत्रीलाई १० हजार नगद सहित सम्मान गरिएको हो ।

खत्रीले मुलखर्क गाविसको शैक्षिक विकास र चौतारा माध्यमिक विद्यालय स्थापना गरी विद्यालय सञ्चालनमा योगदान पु¥याएको विगत छ । त्यसैको मुल्यांकन गर्दै प्रतिष्ठानले खत्रीलाई सम्मान गरेको हो ।

विद्यालयका शिक्षक मनोज तामाङ्गले उनको योगदानको स्मरण गर्दैं खत्रीले बृद्धभक्ता वापतको समाजिक सुरक्षाको रकम समेत विद्यालयको फर्निचर निर्माणमा लगायतका काममा खर्चिएको बताए ।
प्रतिष्ठानले स्थापनाकाल देखि नै कृषि उत्पादन, पशुपालन र शैक्षिक परिर्वतनको क्षेत्रमा योगदान पु¥याएका व्यक्तिलाई सम्मान गर्दै आएको छ ।

सम्मान कार्यक्रममा बोल्दै संस्थाका अध्यक्ष डा. लिलाबहादुर कार्कीले विद्यालय स्थापनाका क्रममा २०४५ सालदेखि हालसम्म खत्रीले पु¥याएको योगदानको स्मरण गरे । खत्रीले शैक्षिक विकासको दृष्टीले पिछडिएको उक्त क्षेत्रमा चौतारा माध्यमिक विद्यालय स्थापना गरी विपन्न समुदायको शैक्षिकस्तर सुधार गर्न तथा विद्यालयको स्तर वृद्धि गर्न ४ रोपनी जग्गा दान दिएका थिए ।

प्रकाशित मिति २०७३ साउन ५ गते