काठमाडौँ, ५ असार । प्रहरीले शुक्रबार तराईका विभिन्न जिल्लाबाट दर्जनभन्दा धेरै नक्कली चिकित्सक पक्राउ गरेको छ जसमा नाम चललेका अस्पतालमा कार्उरत डाक्टरहरु नै नक्कली भएको रहस्य खुलेको छ ।  शुक्रबार बिराटनगरका तीनजाना चर्चित चिकित्सक पक्राउ परेपछि यो रहस्य खुलेको छ । 

सिआबी टोलीले बिराटनगरको लाइफगार्ड अस्पतालबाट फिजिसियन डा जावेद अख्तर, कोसी अञ्चल अस्पतालका पूर्व वरिष्ठ बालरोग विशेषज्ञ डां सञ्जयकुमार दास र निजी क्लिनिक सञ्चालन गर्दै आएका डा अमिर कलामलाई पक्राउ गरेको मोरङ प्रहरी प्रमुख एसपी सन्दीप भण्डारीले बताए ।

नेपाल प्रहरीको केन्द्रीय अनुसन्धान व्युरो सिआइबीले तराईका पर्सा, मोरङ, चितवन, झापालगायतका जिल्लामा अपरेशन चलाएर दुई दर्जनबढी नक्कली चिकित्सक पक्राउ गरेको हो । भारतबाट ल्याएको प्रमाणपत्रका आधारमा एमवीवीएस अध्ययन गरेको अनुसन्धानबाट खुलेको छ ।

(नयाँपत्रिका दैनिकमा प्रकाशित)