बुधबार, २६ जेठ २०७३
काठमाडौँ – राजधानीको भृकुटीमण्डपमा शुक्रबारदेखि शुरु हुने ‘१० औँ इक्यान फेयर’ को सम्पूर्ण तयारी पूरा भएको छ । आयोजक संस्था नेपाल शैक्षिक परामर्श संघ (इक्यान)ले बुधबार राजधानीमा पत्रकार सम्मेलन गरेर मेलाको सम्पूर्ण तयारी पुरा भएको जानकारी दिएको हो ।
जेठ २८ देखि ३१ गतेसम्म सञ्चालन हुने प्रदर्शनीमा विदेश पढ्न जाने विद्यार्थीलाई परामर्श दिइने इक्यानका अध्यक्ष प्रकाश पाण्डेले बताए ।
बर्षेनी आयोजना हुदै आएको इक्यान प्रदर्शनीमा यस बर्ष २ सय ५० बढी स्टल राखिएका छन् । विगतका बर्षमा भन्दा केही फरक तरिकाले यस बर्ष अनलाइनबाट पनि स्टल बुकिङको व्यवस्था मिलाइएको अध्यक्ष पाण्डेले जानकारी दिए ।
प्रदर्शनीलाई एक लाख ५० हजार बढी विद्यार्थी र अभिभावकले अवलोकन गर्ने इक्यानले जनाएको छ ।
प्रकाशित मिति २०७३ जेठ २६ गते ।
प्रतिक्रिया