काठमाडौं - जिल्ला शिक्षा अधिकारी शंकरबहादुर गौतम माथि हातपात भएको छ । बुधबार दिउँसो उनलाई कालोमोसो दलेर हातपात गरेको प्रहरीले जनाएको छ ।

घटनामा विप्लब माओवादी निकट विद्यार्थी कार्यकर्ता संलग्न भएको प्रहरीले शंका गरेको छ । तर यसको पुष्टि भएको छैन ।

कार्यालयमा छिरेका केही अपरिचित ब्यक्तिहरुले गौतम माथि भ्रष्टाचारी र आर्थिक हिनामिना गरेको भन्दै आरोप लगाएका थिए ।

घटनामा संलग्नको खोजि भईरहेको प्रहरीले जनाएको छ ।

अपडेट

पटक पटक सुधारको मौका दिदाँ पनि अनियमितता जारी राखेकाले आफूहरुले कारवाही गरेको विप्लब निकट विद्यार्थी संगठनका अध्यक्ष पूर्ण सिंहले एडुखबरलाई बताए ।

'शिक्षक सरुवा बढुवामा आर्थिक चलखेल गरेको तथा निजी विद्यालयको शुल्क घटाउन नमानेका कारण कारवाही गरिएको हो' उनले भने, 'शिक्षा क्षेत्रमा भएको अनियमितता र आर्थिक घोटालाका विरुद्ध हाम्रा कृयाकलाप जारी रहन्छन् ।'

प्रकाशित मिति २०७३ बैशाख १५ गते