Mana Prasad Wagley

१. एसएलसी ग्रेजुयेट हुन कति CGPA हुनुपर्ने हो? भन्ने कुरा यकिन नगरेसम्म अहिलेको ग्रेडिंगले खासै महत्व राख्दैन/ नभए कुन उद्देश्यका लागि विद्यार्थीले पुन:परीक्षामा सम्मिलित हुने? ग्रेडिंगको प्रचलनलाई हेर्ने हो भने माथिल्लो तहमा कुन बिषय-क्षेत्रमा पढ्न कस्तो ग्रेडिंग आवश्यक पर्छ भन्ने कुरा स्पष्ट नभएसम्म विद्यार्थीहरूमा प्रतिस्पर्धात्मक दौड सम्भव हुन्न/ ग्रेडिंगको मूल मर्मनै विद्यार्थीवीच गुणस्तरीय प्रतिस्पर्धा गराउनु हो न की विना CGPA अन्यौल सिर्जना गर्नु/ यो समस्याको समाधान गर्न अब उच्च माध्यमिक शिक्षा परिषदले कक्षा ११ पढ्न न्युनतम CGPA कति हुनु पर्ने भनी किटान गर्नु आवश्यक छ/ त्यति गर्ने हो भने पनि धेरै अन्यौल हट्छ/ यति नगर्ने हो भने उमाविको भर्ना र पढाईको स्तर भद्रगोल हुन्छ/

२. अहिलेकै स्थितिमा बिचार गरौँ/ कक्षा ११ र १२ मा अंग्रेजी अनिवार्य छ र एसएलसीमा पाउने ग्रेड त्यो बिषय पढ्न समर्थ देखाउने हुनुपर्छ/ नभए अंग्रेजी नपढे पनि माथिल्लो कक्षा पढ्न पाउने गरी शैक्षिक प्रणाली परिवर्तन गर्नु पर्छ/ गणित र बिज्ञान नपढेर पनि कक्षा ११ र १२ पढ्न सकिन्छ त्यसैले ती बिषयमा खासै चिन्ता नरहला// 

३. अहिलेको बिषयगत ग्रेडिंग गर्ने निर्णय बजारको लागि भने उपयुक्त छ तर बजारलाई सुसूचित गर्ने काम एसएलसी नतिजा अगावै गर्नु पर्छ/ त्यसो हुन सक्यो भने केही हदसम्म ग्रेडिंग फलदायी हुन सक्छ/