विहीबार, ०६ फागुन २०७२
काठमाडौँ ६ फागुन । जिल्ला शिक्षा कार्यालय मुगुले रिक्त दरबन्दीमा आफूखुसी शिक्षक खटाएको भन्दै बुधबार दिउँसो २ बजे जिल्ला शिक्षा कार्यालयमा तोडफोड र जिल्ला शिक्षा अधिकारीमाथि हातपात भएको छ ।
नेकपा माओवादी (वैद्य) पक्षका जिल्ला संयोजक मङ्गलबहादुर शाहीको नेतृत्वमा गएको ५०÷६० जनाको दस्ताले बुधबार दिउँसो २ः३० बजे जिल्ला शिक्षा कार्यालयमा गई जिशिअ जवारीलाल हमालमाथि हातपात र कार्यालयमा तोडफोड गरेका हुन् ।
हातपातबाट जिशिअ हमाललाई सामान्य चोट लागेको र रु तीन लाखभन्दा बढीको फर्निचर तोडफोड भएको बताइएको छ ।
रासस
प्रतिक्रिया