सोमबार, ०३ फागुन २०७२
काठमाडौँ, ३ फागुन । हिमाली जिल्लामा आइतबारदेखि नयाँ शैक्षिक सत्र शुरु भएको छ। तर, विद्यालयमा पाठ्यपुस्तक भने अझै पुगेको छैन् । जनक शिक्षा सामग्ी केन्द्रले १ देखि ५ कक्षासम्म स्थानीय एजेन्टमार्फत र ६ देखि १० कक्षासम्म आफै पुस्तक उपलब्ध गराउने व्यवस्था मिलाएको छ ।
हालसम्म पुस्तक नपाउँदा विद्यार्थी समस्यामा रहेका छन् । निमित्त जिल्ला शिक्षा अधिकारी विष्णुबहादुर शाहीले सबै कक्षाका पाठ्यपुस्तक नआएको बताए । कक्षा १ देखि ५ सम्मका पाठ्यपुस्तक छाप्ने अनुमति पाएका नीजि संस्थाले केही दिनदेखि कर्णालीमा पाठ्यपुस्तक पठाइसकेको दाबी गरेका छन् ।
हुम्लाका लागी नरेन्द्र बुढाथोकीले १२ हजार ४२ पुस्तक बुझेका थिए । यस्तै डोल्पामा यस बर्षको नयाँ शैक्षिक सत्र संयोगले सरस्वती पूजासंगै शुरु भएको छ । हिउँदमा धेरै चिसो हुने डोल्पा लगायतका ४ जिल्लामा फागुन १ गतेदेखि नयाँ शैक्षिक सत्र शुरु हुने गरेको छ।
शनिबारको विदा भए पनि सरस्वती पूजा भएकाले विभिन्न विद्यालयले शैक्षिक सत्र शुरु गरेका छन् ।
(कान्तिपुर दैनिकमा प्रकाशित)
प्रतिक्रिया