बुधबार, २७ माघ २०७२
काठमाडौँ, २८ माघ । भृकुटी मण्डपमा जारी वृहत पुस्तक प्रदर्शनीमा हालसम्ममा रु २२ लाखको कारोबार भएको छ । डिकुरा पब्लिकेसनले गत बिहीबारदेखि सुरु गरेको सो प्रदर्शनीमा दुई हजार लेखकका पुस्तक राखिएका छन् ।
संयोजक पुण्यप्रसाद प्रसाइँका अनुसार राखिएका पुस्तकमध्ये सबैभन्दा बढी ‘हजार आशाहरु’, ‘सङ्क्रमणकाल’ र ‘कुटनीतिका तीन दशक’ नामक पुस्तक पाठकले बढी रुचाएका छन् । पुस्तक हेरी १५ देखि ७० प्रतिशतसम्म छुटको व्यवस्था गरिएको छ ।
सुरुवातको केही दिन नाकाबन्दी नै रहेकाले आशाअनुरुप किताब बिक्री नभएको प्रसाइँले बताए । नाकाबन्दी खुलेसँगै किताब बिक्रीको दर बढेको छ । फागुन २ गतेसम्म जारी रहने प्रदर्शनीमा रु एक करोडको कारोबारको लक्ष्य लिएको छ ।
रासस
प्रतिक्रिया