आइतबार, १७ माघ २०७२
कञ्चनपुर, १६ माघ । नेपाली काँग्रेसका केन्द्रीय सदस्य तथा पूर्वमन्त्री नारायणप्रकाश साउदले अहिलेका शिक्षा व्यवासायिक नभएको भन्दै युगसुहाउदो शिक्षा चाहिने बताएका छन् ।
शनिबार कञ्चनपुरको झलारी पिपलाडी नगरपालिका–७ मा रहेको श्रीकृष्ण माध्यमिक विद्यालयको वार्षिकोत्सव तथा अभिभावक दिवस उद्घाटन गर्दै उनले यस्तो बताएका हुन् ।
वर्तमान समयमा युगसुहाउँदो गुणस्तरयुक्त शिक्षाको खाँचो रहेको उनको भनाई थियो । शिक्षा गुणस्तरयुक्त नभए दक्ष जनशक्ति उत्पादन नहुने र देश विकासमा बाधा पर्ने भएकाले गुणस्तरीय शिक्षाका लागि वर्तमान शिक्षा प्रणालीमा आमूल परिवर्तन गर्न आवश्यक भएको उनले बताए ।
उनले गुरुयोजनाअन्तर्गत दोदा नदीमा अधुरो तटबन्ध निर्माणको कार्यलाई अगाडि बढाउनका लागि प्रतिबद्ध रहेको दाबी गरे । सनवोरा, स्याली र चुरेक्षेत्र भएर बग्ने नदीहरुले बर्सेनि वर्षात्का बेला विनाश निम्त्याउँदै आएकाले यसको रोकथामका लागि प्रयास गरिनु आवश्यक भएको उनले बताए । रासस
प्रतिक्रिया