आइतबार, ०३ माघ २०७२
काठमाडौँ, ३ माघ । सडक सञ्जालले नछोएको डोल्पा जिल्लामा जिल्ला शिक्षा कार्यालयले निर्धारित समयमा पाठ्यपुस्तक ल्याउन आग्रह गरेको छ । डोल्पाका विभिन्न ठाउँमा बसेर कक्षा १ देखि १० सम्मका पाठ्यपुस्तक बिक्री वितरण गर्दै आएका छ जना विक्रेतासँगको छलफलमा यस्तो आग्रह गरिएको जिल्ला शिक्षा अधिकारी युवराज पौडेलले बताए ।
डोल्पा हिमाली जिल्ला भएका कारण फागुनदेखि नयाँ शैक्षिक सत्र सुरु भई मङ्सिरमा सकिने गर्छ । त्यसकारण शैक्षिक सत्र २०७३ सुरु हुन करिब एक महिनामात्र बाँकी रहेको बेला जिल्लामा समयमा नै पाठ्यपुस्तक विद्यार्थीको हातमा ल्याइपु¥याउन जिल्ला शिक्षा कार्यालय डोल्पाले यस्तो छलफल गरेको हो ।
डोल्पा जिल्लामा रहेका ११५ विद्यालयमा नौ हजार १३४ जना विद्यार्थी अध्ययनरत छन् ।
रासस
प्रतिक्रिया