शुक्रबार, १० पुस २०७२
काठमाडौँ, १० पुस । कालिकोट धैलागोह ९ पुलाहाका भीमराज भण्डारी खाद्यान्न नहुँदा ओसार्न बाजुराको कोल्टीमा महिनाको दुई चक्कर लगाउछन् । घरदेखि १ घण्टा टाढाको कालिका निमाविमा ८ कक्षामा अध्ययनरत उनलाई खाद्यान्न जोहो गर्नुपर्दा महिनामा ९ दिन गयल हुन्छन् ।
पुलाहा क्षेत्रमा चर्को खडेरीले गएको बर्ष र अहिलेको हिँउदे दुबै बालीको उत्पादन ह्वात्तै घट्यो । बर्षे बालीको उत्पादन घटेपनि गाउँमा भोकमरी जत्तिकै समस्या छ। गाउँमा खाद्यान्नको बैकल्पिक उपाय नभएपछि धौलागोहावासी २ दिन पैदल हिडेर कोल्टीबाट चामल ओसार्न बाध्य छन् ।
चामलका लागी कोल्टी आउने पुलाहाका भीमराज एक्ला होइनन् । गाउँमा सबैको अवस्था उही हो । परिवारका बुढापाकाले चामल बोक्न नसक्ने भएकाले धेरैजसो स्कुले नै कोल्टी जाने गरेका छन् । आफ्ना अभिभावकसहित बालबालिका पनि खाद्यान्न ओसार्न लाग्दा विद्यार्थीको पढाई प्रभावित हुन पुगेको हो ।
(आजको कान्तिपुर दैनिकमा प्रकाशित समाचार)
प्रतिक्रिया