मंगलबार, ०७ पुस २०७२
काठमाडौँ, ७ पुस । कर्णालीमा पहिलोपटक सञ्चालन हुन लागेको हेल्थ असिस्टेन्टको विद्यार्थी भर्ना छनोट परीक्षामा प्रश्नपत्र बाहिरिएको भन्दै परिक्षा रद्ध गरिएको छ ।
परीक्षामा अनियमितता भएको भन्दै जुम्लाका विद्यार्थी संग संगठनले विरोध जनाएपछि परीक्षा रद्ध गरिएको हो ।
गएको मंसिर १९ गते भएको जनरल मेडिसियनको परीक्षा रद्ध गरी पुनः परीक्षा तालिका सार्वजनिक गर्ने निर्णय भएपछि अस्पतालमा लगाइएको ताला १० दिनपछि सोमबार मात्र खोलिएको थियो ।
७ दिनभित्र परीक्षा सञ्चालनका लागी नयाँ सुचना प्रकाशन गरिने अस्पतालले जनाएको छ । यसअघिको परीक्षामा ३ सय ७० जनाले सहभागिता जनाएका थिए ।
(आजको नेपाल समाचारपत्र दैनिकमा प्रकाशित समाचार)
प्रतिक्रिया