मकवानपुर - शिक्षकहरु काठमाडौंको सडक प्रर्दशनमै व्यस्त भए पछि बकैया - ४ छतिवनको महेन्द्र माध्यमिक विद्यालय व्यवस्थापन समितिले तीन दिने भर्ना अभियान शुरु गरेको छ ।  शिक्षकको सडक प्रर्दशन टुङ्गिने छाँट नदेखिएपछि अभिभावकलाई साथमा लिएर टोल टोलमै विद्यार्थी भर्ना अभियान शुरु गर्ने अध्यक्ष परशुराम गौतमले बताए । भर्ना शिवीरमा पाठ्यपुस्तक समेत वितरण गर्ने योजना बनाईएको छ । 

'शिक्षकहरु शैक्षिक आन्दोलनमा सडकमा रहनु भएको प्रति सम्मान र समर्थन गर्दै' विद्यालय बाहिर टोलटोलमा भर्ना शिवीर गरिने अध्यक्ष पाण्डेद्वारा जारी सूचनामा उल्लेख छ । शिवीर शनिबार सम्म सञ्चालन हुने पाण्डेले जानकारी दिएका छन् । 

नयाँ शैक्षिक सत्र शुरु भएको एक साता वितिसक्दा पनि शिक्षकको काठमाडौं केन्द्रित सडक प्रर्दशन नटुङ्गिए पछि पठनपाठन एवं शैक्षिक गतिविधि निर्वाध सञ्चालन गर्न दबाब बढ्दै गएको छ । 

यो पनि पढ्नुहोस् : शिक्षक आन्दोलनमा, पठनपाठन नियमित गर्न विद्यार्थीको हारगुहार

सडक प्रर्दशनमा सहभागी शिक्षक कर्मचारीले तलब नपाउने !

स्थानीय सरकारका अघिल्तिर आएको क्षमता देखाउने अवसर

चैत २० गते देखि शिक्षकहरुको काठमाडौं केन्द्रित सडक प्रर्दशन र २५ गतेबाट शुरु शैक्षिक हड्तालका कारण नयाँ शैक्षिक सत्रसँगै शुरु हने भर्ना अभियान लगायतका शैक्षिक गतिविधि ठप्प छन् । देशभरका सामुदायिक विद्यालय बन्द छन्, कक्षा १२ को परीक्षा नै स्थगित गर्नु परेको छ । दुई साता अघि नै शुरु हुनु पर्ने कक्षा १० को अन्तिम परीक्षाको कापी परीक्षणको काम अहिले सम्म शुरु हुन सकेको छैन ।