काठमाडौं - त्रिभुवन विश्वविद्यालयको उपकुलपतिको जिम्मेवारी शिक्षाध्यक्ष प्रा.डा. खड्ग केसीलाई दिईएको छ । 

प्रधानमन्त्री केपी ओलीसँगको असहमतीका कारण गत चैत १६ गते उपकुलपति प्रा.डा. केशरजंग बरालले राजिनामा दिएका थिए ।

पढ्नुहोस् : त्रिविका उपकुलपतिले दिए राजीनामा

उनले राजिनामा दिएको १३ औं दिनमा बल्ल स्विकृत गरिएको थियो ।

पढ्नुहोस् : बरालको राजिनामा स्विकृत, निमित्त को ?

गत चैत २८ गते उनको राजिनामा स्विकृत गरिए पनि उपकुलपतिको जिम्मेवारी कसैलाई तोकिएको थिएन । 

विश्वविद्यालयका कुलपति समेत रहेका ओलीले गत आईतबार (चैत ३१ गते) केसीलाई जिम्मेवारी दिएको प्रधानमन्त्रीको सचिवालयले मंगलबार बल्ल सार्वजनिक गरेको छ । 

विश्वविद्यालयको कुनै पद रिक्त भएमा पदपूर्ति नभएसम्म दैनिक कार्य सञ्चालन गर्न बढीमा तीन महिनाको लागि उपकुलपतिको जिम्मेवारी सहकुलपतिको परामर्शमा कुलपतिले विश्वविद्यालयको कुनै वरिष्ठतम् प्राध्यापकलाई तोक्न सक्ने विश्वविद्यालय ऐनमा व्यवस्था छ । अब यही तीन महिनको बिचमा नयाँ उपकुलपति छनोट प्रकृया पुरा गर्नु पर्ने हुन्छ । 

यि सामग्री पनि पढ्नुहोस् :  एमाले अध्यक्ष ओलीले भाग खोज्दा त्रिविको रेक्टर र रजिस्ट्रार नियुक्ति ढिलाइ

त्रिविको उपकुलपतिमा बराल

शिक्षामन्त्री र उपकुलपतिको जीत

 प्रधानमन्त्रीको दवावमा अन्तिम समयमा रोकियो नीति तथा कार्यक्रम