शनिबार, २६ मंसिर २०७२
काठमाडौँ, २६ मंसिर । सरकारले शुक्रबार राति साढे ७ बजेबाट यो वर्षको एसएलसी विद्यार्थीलाई लक्षित गरी रेडियो नेपालबाट पढाइ सुरु गरेको छ । भूकम्प र तराई आन्दोलनबाट प्रभावित कक्षा १० को पाठ्यक्रममा आधारित सबै विषयमा पढाई सुरु गरेको हो ।
कक्षा शैक्षिक जनशक्ति विकास केन्द्रले तयार गरेको पाठ्यक्रममा आधारित छ । केन्द्रका कार्यकारी निर्देशक सुर्य गौतमले फागुन अन्तिम सातासम्म कक्षा सञ्चालन हुने जानकारी लिएका छन् । पहिलो चरणमा १५ मिनेट अवधिको कक्षा सञ्चालन हुनेछ । शुक्रबार शिक्षामन्त्री गिरिराजमणी पोखरेलले मन्तव्य जारी गर्दै पढाई आरम्भ गरेका थिए ।
तराईका आठ जिल्लाका स्थानीय एफएमबाट समेत पढाई सुचारु गर्ने गरी तयारी भएको छ ।
(आजको नेपाल समाचारपत्र दैनिकमा ईश्वरराज ढकालले समाचार लेखेका छन्।)
प्रतिक्रिया