शनिबार, १२ असोज २०८१
काठमाडौं-बाढी र पहिरोको क्षति भएपछि विश्वविद्यालयहरु र प्राविधिक शिक्षा तथा व्यवसायिक तालिम परिषद् (सीटीइभीटी) ले आइतबारको परीक्षा स्थगित गरेको छ ।
त्रिवि र सीटीइभीटीले आइतबारको परीक्षा स्थगित गरेको छ भने पूर्वाञ्चल विश्वविद्यालयले सोमबारसम्म परीक्षा स्थगित गरेको सूचना प्रकाशित गरेको हो ।
शिक्षा, विज्ञान तथा प्रविधि मन्त्रालयले हाललाई विश्वविद्यालय परिषद्लगायत सबै शैक्षिक संस्थाका परीक्षा स्थगन अनुरोध थियो । ।
‘परिवेश आकलन गरेर उपयुक्त समयमा सञ्चालन गर्न अनुरोध गर्ने निर्णयसमेत गरेको हुँदा सो बमोजिम गर्नुहुन अनुरोध छ,’मन्त्रालयले जारी गरेको विज्ञप्तिमा भनिएको छ ।
देशभर भएको अविरल वर्षाबाट विभिन्न स्थानमा भौतिक र मानवीय क्षतिका विवरण आइरहेकोले देशभर विश्वविद्यालय र विद्यालयका भवनमा क्षति पुगेको, विद्यार्थी र अभिभावक बाढी पहिरोको चपेटामा परेको, यातायात अवरुद्ध भएको र दैनिक जीवनयापनमा कठिनाइ भएकोले परीक्षा स्थगित गर्न मन्त्रालयले अनुरोध गरेको हो ।
प्रतिक्रिया