शुक्रबार, १८ साउन २०८१
भक्तपुर - शुक्रबार सार्वजनिक भएको कक्षा १२ को नतिजा अनुसार एक सय २२ विद्यार्थीको नतिजा रद्द भएको छ । यी मध्ये एक सय १८ विद्यार्थीको चालु खण्डको सम्पूर्ण विषयको परीक्षाफल रद्द गरिएको बोर्डले जनाएको छ ।
बाँकी चार विद्यार्थीको चालु खण्डका सम्पूर्ण विषय रद्द गरिनुका साथै थप एक बर्ष बोर्डबाट सञ्चालन हुने कुनै पनि परीक्षामा उनीहरु सहभागी हुन पाउने छैनन् ।
(माथिको फोटोमा हेर्नुहोस् उनीहरुको सिम्बोल नम्बर)
परीक्षाको मर्यादा कायम नगरेका विद्यार्थीको परीक्षा रद्द हुन्छ । खास गरी परीक्षा हलमा चिट चोर्ने, निरीक्षक र परीक्षामा संलग्न व्यक्तिहरुलाई अभद्र व्यवहार गर्ने जस्ता कृयाकलाप गर्ने विद्यार्थीको परीक्षा रद्द हुन्छ ।
शुक्रबार विहान सार्वजनिक कक्षा १२ को नतिजामा ५२ दशमलब ९१ प्रतिशत विद्यार्थी उत्तीर्ण भएका छन् । नियमित तर्फ तीन लाख ९० हजार आठ सय ६८ मा दुई लाख तीन हजार आठ सय ४७ विद्यार्थी पास भएका बोर्डले जनाएको छ ।
नतिजा अनुसार सबै विषयमा अनुपस्थित परीक्षार्थी संख्या पाँच हजार छ सय ३२ छ भने एक सय दुई जना विद्यार्थीको परीक्षा रद्द गरिएको छ ।
यस्तै कक्षा १२ को नतिजामा माथिल्लो जीपीए प्राप्त विद्यार्थीको संख्या नौ हजार पाँच सय ९१ रहेको छ ।
नतिजामा बढीमा दुई विषयमा नन्ग्रेडेड विद्यार्थीका लागि भदौ २५ र २६ गते पुरक परीक्षा हुने भएको छ ।
प्रतिक्रिया