काठमाडौँ– मध्यपश्चिम विश्वविद्यालय तथा सुदूरपश्चिम विश्वविद्यालयको उपकुलपति नियुक्ति प्रक्रिया स्थगित भएको छ । 
उपकुलपति पदमा नियुक्तिका लागि नाम सिफारिस गर्न गठित छनोट तथा सिफारिस समितिको आइतबार बसेको बैठकले प्रक्रिया रोक्ने निर्णय गरेको हो । 

०८० माघ २५ मा सूचना प्रकाशन गरेर दर्खास्त आव्हान गरिएको थियो । उपकुलपति हुन चाहनेले विश्वविद्यालय अनुदान आयोग दर्खास्त दिइरहेको बेला प्रक्रिया रोक्ने निर्णय गरेको हो । ‘हाललाई दरखास्त सम्बन्धी सम्पूर्ण प्रक्रिया स्थगन गर्ने निर्णय गरेको हुँदा सम्पूर्णमा जानकारीका लागि यो सूचना प्रकाशित गरिएको छ,’छनोट समितिले जारी गरेको सूचनामा उल्लेख छ ।