काठमाडौं -शिक्षक सेवा आयोगले निम्न माध्यमिक तह तृतीय श्रेणीको नतिजा बिहीबार सार्वजनिक गरेको छ । गत वैशाख ९ र भदौ ९ मा भएको  नेपाली विषयको लिखित परीक्षाको नतिजा सार्वजनिक भएको हो । 

आयोगले कोशीमा २३ जनाको सिटमा ३५ जनाको नाम निकालेको छ । खुलामा १३, महिला ३, आदिवासी जनजाति ३, मधेसी २, दलित २ को विज्ञापन भएको थियो ।

त्यस्तै मधेस प्रदेशमा १५ जनाको विज्ञापनमा २६ को नाम निकालेको छ । बागमतीमा १२ जनाको विज्ञापन भएकोमा २१ जनाको नाम लिखितमा निस्किएको छ । आयोगले कोशीका सबै उम्मेदवारलाई पुस २२ मा शिक्षा विकास निर्देशनालय धनकुटामा बिहान आठ बजे अन्तरवार्ता हुने भएको छ । त्यस्तै मधेस प्रदेशका सबै उम्मेदवारको अन्तरवार्ता पुस २२ मा जनकपुर धाम स्थित शिक्षा विकास निर्देशनालयमा, बागमतीको हेटौडा स्थित शिक्षा विकास निर्देशनालयमा हुने आयोगले जनाएको छ ।