विहीबार, १० मंसिर २०७२
काठमाडौँ, १० मंसिर । भारतले गरेको अघोषित नाकाबन्दीको विरोध गर्दै सुनसरीका विद्यार्थीले प्रदर्शन गरेका छन् । नाकाबन्दीले नेपालको शिक्षा क्षेत्रमा ठूलो असर पारेको भन्दै विद्यार्थीहरुले तालाबन्दी तत्काल खोल्न आग्रह गरेका थिए ।
यस्तै उनीहरुले भारतको अघोषित हस्तक्षेपविरुद्ध नाराबाजीसमेत गरेका थिए । सुनसरीको नीजि तथा सरकारी शैक्षिक संस्थाका विद्यार्थी र शिक्षकहरु सहभागी सो विरोध प्रदर्शनसहितको र्याली इटहरी नगरका विभिन्न भाग पुगेर कोणसभामा परिणत भएको थियो ।
भारतले असल छिमेकीको भूमिका निर्बाह गर्न नसेको भन्दै इटहरीका शिक्षासेवीहरुले आक्रोश पोखेका छन् । उनीहरुले नेपालको राजनीतिमा हस्तक्षेप गरी आफ्नो स्वार्थअनुरुप छिमेकी चलाउने भारतको चाहना अमानवीय रहेको शिक्षाकर्मीहरुले बताएका छन् ।
कोणसभालाई हिसान सुनसरीका अध्यक्ष मुकुन्द घिमिरे, प्रध्यापक संघका अध्यक्ष केवल फुयाललगायतले सम्बोधन गरेका थिए ।
(आजको राजधानीमा दैनिकमा पवन अधिकारीले समाचार लेखेका छन्।)
प्रतिक्रिया