विहीबार, १० मंसिर २०७२
काठमाडौँ, १० मंसिर । भारतको अघोषित नाकाबन्दीले निर्माण सामग्री अभाव र मूल्य आकाशिएपछि भूकम्पका कारण क्षतिग्रस्त भएका झण्डै पाचँ सय विद्यालयको पूनः निर्माण कार्यमा अवरोध सिर्जना भएको छ।
शिक्षा विभागसंग व्यक्तिगत तथा संस्थागत ५३ समूहले ४ सय ९६ विद्यालयका दुई हजार ७ सय ४५ कक्षाकोठा निर्माण गर्न सम्झौता गरेका छन् ।
अस्थायी टहरामा जेनतेन अध्ययन गरिरहेका विद्यार्थीको दरुह अवस्था देखेपछि अधिकांशले पक्की (स्थायी) र केहीले अस्थायी भवन निर्माण गरिदिन तत्परता देखाउँदै विभागसंग सम्झौता गरेका छन् ।
ती दाताले कुल एक अब ७८ करोड ४३ लाख ८१ हजार रुँपियामा विद्यालय भवन निर्माण गरिदिनेछन् । निर्माण सामग्रीको मुल्यबृद्धिका कारण उनीहरुको बजेट साघ्न पुगेको छ भने चाहँदा चाहँदै पनि पाउन सकेको छैन् ।
दाताले भूकम्प प्रभावित १४ लाख जिल्लाका लागी कम्तीमा एउटादेखि बढीमा १ सय ९६ वटा कक्षाकोठा निर्माण गरिदिने छन् । अस्थायी कक्षाकोठा निर्माण गरिदिनेले आधुनिक प्रविधिका रुपमा रहेको प्रिफ्याबको प्रयोग समेत गर्ने भएका छन् ।
(आजको गोरखापत्र दैनिकमा प्रकृति अधिकारीले समाचार लेखेकी छन्।)
प्रतिक्रिया