काठमाडौं २८ असार/ उत्तरपुस्तिका हराएका त्रिभुवन विश्वविद्यालयका १ सय ९५ विद्यार्थीको पुनः परीक्षा हुने भएको छ । त्रिवि परीक्षा बोर्डले उत्तरपुस्तिका हराएका विद्यार्थीले ३१ असारमा पुनः परीक्षा दिनुपर्ने समय तोकेको छ ।

आंगिक क्याम्पस पब्लिक युथका एमबिएस प्रथम वर्षका विद्यार्थीको उत्तरपुस्तिका हराएका थिए । विद्यार्थीहरूले पुनः परीक्षा नदिने अडान राखे पनि अर्को विकल्प नभएका कारण पुनः परीक्षा हुने भएको पब्लिक युथ क्याम्पसका सहायक क्याम्पस प्रमुख बलराम थापाले बताए ।

गत पुस महिनामा परीक्षा दिएका १ सय ९५ विद्यार्थीको उस्तरपुस्तिका नभेटिएपछि त्रिवि परीक्षा नियन्त्रण कार्यालयले अनुपस्थित भनेर अरू विद्यार्थीको नतिजा सार्वजनिक गरेको थियो ।
नयाँ पत्रिकामा प्रकाशित खबर ।