काठमाडौं १६ असार /दाङको गढवा गाउँपालिका ८ को वडाध्यक्षमा २३ वर्षीय सद्दाम सिद्दिकी निर्वाचित भएको छ । माओवादी केन्द्रबाट उम्मेदवार बनेका सिद्दिकी विजयी भएका हुन् ।

जिल्लाको पुरानो व्यापारिक केन्द्र तथा भारतीय सिमाना जोडिएको वडाबाट सिद्दिकी अध्यक्षका रुपमा निर्वाचित भए । उनले कोइलावासमा बस्ने पुस्ताको समस्या समाधान गर्न आफू केन्द्रित हुने बताए । सिद्धरत्न मावि नारायणपुरमा कक्षा १२ मा अध्ययनरत सिद्दिकी नेपाल विद्यार्थी संघ हुँदै गाउँ विकास समितिको तरुण दलको उपाध्यक्षसमेत थिए ।

उनी गत बैशाख ३१ गते मात्रै माओवादी केन्द्रमा प्रवेश गरेका थिए ।

अन्नपूर्ण पोष्टमा प्रकाशित खबर ।