काठमाडौँ, ५ चैत्र । नक्कली चिकित्सक खोज्ने क्रममा २३ फागुनमा धनुषाका प्रदीपकुमार गुप्ता पक्राउ परे । चिकित्सकको लाइसेन्सको परीक्षा दिन काठमाडौं आएकाबेला उनलाई केन्द्रीय अनुसन्धान व्युरो (सिआइबी) बाट खटिएको प्रहरी टोलीले पक्राउ गरेको हो ।
नयाँ पत्रिका दैनिक लेख्छ ‘कुन कुन अस्पतालमा काम गर्यौ ? ’ प्रारम्भिक अनुसन्धानका क्रममा प्रहरीले सोधपुछ गर्दा मण्डलले भने, ‘कहाँ काम गर्नु हजुर, गाउँमा ट्याक्टर चलाउँदै आएको छु ।’ लाइसेन्स परीक्षामा फेल भएपछि धनुषामा ट्याक्टर चलाएर बस्नु परेको उनले बताएका छन् ।
६ वर्षअघि चीनबाट एमबीबीएस पढेर आएका गुप्ता पटक पटक लाइसेन्स परीक्षा दिँदा पनि सफल हुन सकेनन् । एबीबीएस पढ्न आइएस्सीको नक्कली सर्टिफिकेट बनाएको आरोपमा सिआइबीले उनलाई पक्राउ गरेको हो । सिआइबीले पक्राउ गरेका १५ नक्कली डाक्टरमध्ये उनी पनि एक हुन् ।
(नयाँपत्रिका दैनिकमा प्रकाशित)
प्रतिक्रिया