काठमाडौं, १० फागुन । स्कुल बसको ठक्करबाट राजधानीमा दुई चिकित्सकको मृत्यु भएको छ ।  मृत्यु हुनेमा डा. सन्दिप सुवेदी र डा. सोनी आनन्दको मृत्यु भएको हो । दुवैजना शिक्षण अस्पतालमा एमडी पहिलो बर्षमा अध्यानरत थिए। 

प्रहरी वृत्त महाराजगन्जका प्रहरी निरीक्षक टङ्कप्रसाद भट्टराईका अनुसार आइतबार साझँ महाराजगन्ज शिक्षण अस्पताल पछाडि कान्ति बाल अस्पतालको ओरालोमा हिँडिरहेका उनीहरुलाई बा १ प ४३ नम्बरको हरियो प्लेटको स्कूल बसले बाटोमा ठक्कर दिँदा मृत्यु भएको हो ।  

प्रहरी निरीक्षक अनुसार मृत्यु हुने दुवैजना महारागन्ज शिक्षण अस्पतालमा एमडी अध्ययनरत थिए ।  मृतकको शवलाई शिक्षण अस्पतालमा राखिएको छ । चालक र सहचालक दुवै जनालाई प्रहरीले नियन्त्रणमा लिएको छ ।

(नयाँपत्रिका दैनिकमा प्रकाशित)