मंगलबार, २१ पुस २०७२
काठमाडौँ, २२ पुस । प्रधानमन्त्री केपी शर्मा ओलीले नेपाल स्काउटको संरक्षकको दीक्षा ग्रहण गरेका छन् ।
नेपाल स्काउटको प्रधान कार्यालय लैनचौरमा आयोजित समारोहमा प्रमुख आयुक्त रवीन दाहालले संरक्षकको हैसियतमा उनलाई सो दीक्षा प्रदान गरेका थिए । प्रधानमन्त्री उक्त स्काउटको संरक्षक हुने व्यवस्था छ ।
सो अवसरमा प्रधानमन्त्री ओलीले आफ्नै हिसाबले सेवा पु¥याएकैले देशभर फैलिन सफल भएको नेपाल स्काउटले भूकम्पका बेला निर्वाह गरेको भूमिका सह्रानीय भएको उल्लेख गर्दै हरेक निर्वाचन क्षेत्रका हरेक सामुदायिक विद्यालयमा स्काउट शिक्षा पु¥याइने र यसका लागि सरकारका तर्फबाट आवश्यक सहयोग उपलब्ध गराइने जानकारी दिए ।
आफूले स्काउटको संरक्षकको भूमिका मात्र निर्वाह नगरी यसको संरक्षण विस्तार र प्रभावकारिताका लागि पहल गर्ने बताउँदै उनले सामुदायिक विद्यालयका शिक्षकलाई स्काउटको मास्टर तालिम दिलाउन पनि सहयोग गरिनेमा जोड दिए ।
युवा तथा खेलकुदमन्त्री सत्यनारायण मण्डलले स् देशभर स्काउट सेवा पु¥याउन सरकारका तर्फबाट आवश्यक सहयोग गरिने बताए ।
रासस
प्रतिक्रिया