सोमबार, २० पुस २०७२
काठमाडौँँ, २० पुस । पछिल्लो समयमा कैलालीमा अवैध ट्युसन सेन्टर सञ्चालन भइरहेका छन् । शिक्षा नियमावली विपरित जिल्लाका विभिन्न स्थानमा प्राथमिक विद्यालयदेखि स्नातक तहसम्मका ट्युसन तथा कोचिङ सेन्टरहरु खोल्नेक्रम बढ्दै गएको भएपनि सरोकारवाला निकाय भने मुकदर्शक भएका छन् ।
कैलाली सदरमुकामा धनगढी, अत्तरिया, चुहालम्की, टीकापुर नगरक्षेत्र लगायत चिसापानी, सुखड, मसुरिया, चौमाला बजारहरुमा अबैध ट्युसन कक्षाहरु सञ्चालनमा छन् । स्रोतका अनुसार जिल्लाभित्र अहिले करिब एक सय ७५ भन्दा बढी अबैध ट्युसन सेन्टहरु निर्वाध रुपमा चलिरहेका छन् ।
तर जिल्ला शिक्षा कार्यालयले भने अहिलेसम्म एक ट्युुसन सेन्टर मात्रै सञ्चालनमा रहेको जनाएको छ। अबैध ट्युसन सेन्टर सञ्चालन गर्न विभिन्न क्याम्पस प्रमुख देखि प्रध्यापक तथा शिक्षकहरु बढी नै सक्रिय छन् ।
शिक्षकले विद्यालयमा जिम्मेवार भएर पढाउनुभन्दा ट्युसन सेन्टर तथा कोचिङमा बढी समय दिने भएकाले पनि शिक्षाको गुणस्तर खस्किदै गएको छ।
(गोरखापत्र दैनिकमा प्रकाशित)
प्रतिक्रिया