काठमाडौं - नेपाल संस्कृत विश्वविद्यालय सेवा आयोगको अध्यक्ष र सदस्य नियुक्तिका लागि दरखास्त स्विकृत भएका उम्मेद्वारको प्रस्तुतीकरण र अन्तरवार्ताको लागि शिक्षा मन्त्रालयले मिति तय गरेको छ । लामो समय देखि रिक्त उक्त पदमा नियुक्तिका लागि गएको असार ३० गते सम्म आवेदन हाल्ने अवधि तोकिए पनि फेरी पुस १४ गते दोश्रो पटक सूचना सार्वजनिक गर्दै मन्त्रालयले आवेदन दिने मिति लम्ब्याएको थियो । 

उक्त अवधि भित्र आवेदन हालेका मध्ये अध्यक्ष र सदस्यका लागि ११ / ११ जनाको आवेदन मन्त्रालयले स्विकृत गरेको छ । उनीहरुका लागि मन्त्रालयले यही चैत ३० गते प्रस्तुतीकरण र अन्तरवार्ताको मिति तय गरेको हो । विश्वविद्यालय सेवा आयोगको अध्यक्ष र सदस्य छनोटका लागि सहकुलपति समेत एवं शिक्षा मन्त्रीको संयोजकत्वमा तीन सदस्यीय छनोट समिति हुने विश्वविद्यालय ऐनमा व्यवस्था छ । सोही अनुसार गठित समितिले आवेदन आह्वान गरेको थियो । 

आवेदन हालेका मध्ये अध्यक्षका लागि शालिग्राम सेवेदी, गोपिन्द्र कुमर पौडेल, भागवत ढकाल, विष्णुप्रसाद दाहाल, कार्तिकेय झा, लीलानाथ पौडेल, चन्द्रमणी नेपाल, देवमणि भट्टराई, भागवत प्रसाद शर्मा, अर्जुन प्रसाद भट्टराई र भीमप्रसाद खतिवडाको आवेदन छनोट भएको शिक्षा मन्त्रालयले जनाएको छ । 
यस्तै सदस्यका लागि वीरेन्द्र कुमार लाल, शालिग्राम सवेदी, विष्णुप्रसाद दाहाल, चन्द्रमणी नेपाल, नवराज कट्टेल, लेखप्रसाद निरौला, नारायण प्रसाद बेलबासे, अर्जुन प्रसाद भट्टराई, शान्तिकृष्ण अधिकारी, रमेश घिमिरे र माधवप्रसाद लामिछानेको दरखास्त स्विकृत भएको छ ।
सेवा आयोगले विश्वविद्यालयका शिक्षक तथा कर्मचारीहरुको नियुक्ति तथा बढुवाको लागि कार्यकारि–परिषद् समक्ष सिफारिस गर्छ ।