शनिबार, २६ मंसिर २०७२
काठमाडौँ, २६ मङ्सिर । जापानिज संस्था साइतामा युनेस्कोले पाल्पाको रामपुरमा विद्यार्थीलाई शैक्षिक सामग्री वितरण गरेको छ ।
रामपुरको सहलकोटमा रहेको पुरनथर प्राविमा अध्ययनरत २५ जना गरिब तथा जेहेन्दार, दलित, जनजाति विद्यार्थीलाई कापी, कलमसहित, झोला, स्कुल ड्रेस, स्विटर र सरसफाइ सामग्री वितरण गरेको शिक्षक प्रेम बाकाबलले जानकारी दिए ।
सोही अवसरमा जापानिज समाजसेवी काजुमासा काकिमी ओके बाजेले ५४ जना विद्यार्थीलाई प्रोत्साहनस्वरुप शैक्षिक सामग्री वितरण गर्दै आगामी दिनमा पनि विद्यालयलाई आफूले सक्दो सहयोग गर्ने बताए ।
(रासस)
प्रतिक्रिया