काठमाडौं - नयाँ शिक्षा मन्त्री आएको १५ दिन पछि शिक्षा मन्त्रालयमा कर्मचारी सरुवा गरिएको छ । विभिन्न निकायमा रहेका १२ जना शाखा अधिकृत र १२ जना उपसचिव गरी २४ कर्मचारीको सरुवा गरिएको हो । 

गत असार ३१ गते नियुक्त भएकी शिक्षा मन्त्री विद्या भट्टराईले आफ्नो निजी सचिवमा शिक्षा तथा मानव श्रोत विकास केन्द्रका उपसचिव गणेश भट्टराईलाई लगेकी छन् । भट्टराईले मन्त्रीको निजी सचिवका रुपमा काम काज शुरु गरिसकेका छन् ।

आईतबार सरुवा गरिएका कर्मचारी मध्य मन्त्री सुमना श्रेष्ठले यस अघि नै सरुवा गर्न चाहेकी   शाखा अधिकृत नगेन्द्र प्रसाद दाहाललाई शिक्षा तथा मानव श्रोत विकास केन्द्रमा सरुवा गरिएको छ । यस अघि तत्कालिन मन्त्री श्रेष्ठले कर्मचारी संगठनका नेता समेत रहेका दाहाललाई सामान्य प्रशासन मन्त्रालयको सहमती लिएर भाषा आयोग पठाउन खोजेकी थिईन् ।

आईतबार सरुवा भएका कर्मचारीको विवरण हेर्नुहोस् :