काठमाडौं - प्रतिनिधि सभा अन्तरगत शिक्षा स्वास्थ्य तथा सुचना प्रविधि समितिले शिक्षा मन्त्रालयलाई दिएको निर्देशन प्रति असहमती जनाउँदै सांसद डा. तोसिमा कार्कीले समितिमा औपचारिक पत्र दर्ता गराएकी छन् । मापदण्ड नपुगेका कलेजलाई नर्सिङ् कार्यक्रम सञ्चालन गर्न दिन समितिले मन्त्रालयलाई दिएको निर्देशन प्रति कार्कीले असहमती जनाउँदै आएकी थिईन् । सोही विषयमा समिति सभापति भानुभक्त जोशीलाई सम्बोधन गरिएको पाँच बुँदे असहमती पत्र उनले सोमबार समितिमा दर्ता गराएकी हुन् । 

सांसद कार्कीको असहमती पत्र जस्ताको त्यस्तै पढ्नुहोस् :

  
पूर्व शिक्षा मन्त्री समेत रहेका माओवादी सांसद देवेन्द्र पौडेलको संयोजकत्वमा गठन गरेको उपसमितिले दिएको सुझावका आधारमा नर्सिङ् कार्यक्रम सञ्चालन गर्न दिन भन्दै समितिले शिक्षा मन्त्रालयलाई गुपचुप शैलीमा पत्र पठाएको थियो । चिकित्सा शिक्षा ऐन विपरितको उक्त निर्देशनका बारेमा एडुखबरले समाचार प्रकाशन गरे पछि उक्त विषय सार्वजनिक भएको थियो । 

पढ्नुहोस् : स्वार्थ पुरा गर्न कानुन मिचेर संसदीय समितिको निर्देशन [पत्र सहित]

समाचार सार्वजनिक भए पछि राष्ट्रिय स्वतन्त्र पार्टिका सांसदले समितिको बैठकमै उक्त निर्देशनको वैधानिकताको माग गरेका थिए । 

पढ्नुहोस् : एडुखबरमा प्रकाशित समाचारको संसदीय समितिमा वैधानिकता खोजी

उक्त दल बाहेकका दलका सांसद भने मापदण्ड नपुगेका कलेजलाई कार्यक्रम सञ्चालन गर्न दिन एक मत देखिएका छन् ।

पढ्नुहोस् : मापदण्ड नपुगेका कलेजलाई नर्सिङ पढाउन दिने संसदीय समितिको गुपचुप निर्देशन, चिकित्सा शिक्षा ऐन मिच्न रास्वपा बाहेकका दलहरू एकमत

समितिको बैठकमा प्रमुख प्रतिपक्षी दल एमालेका सांसदले त खबर प्रकाशन गरेको निउँमै एडुखबरलाई अरु बाट सञ्चालित भएको आरोप समेत लगाएका थिए । 

पढ्नुहोस् : एडुखबरमा प्रकाशित समाचार प्रति एमाले सांसदको आक्रोश, अरु बाट सञ्चालित भएको आरोप

उक्त विषयमा एडुखबरले लेखेको सम्पादकीय पनि पढ्नुहोस् :

स्वार्थबाट 'परिचालित' हुन छाड