बुधबार, ०३ साउन २०८०
काठमाडौं - शिक्षा ऐन संशोधनको विधेयक मन्त्री परिषद्मा पुगेको शिक्षा मन्त्री अशोक कुमार राईले बताएका छन् । बुधबार बसेको प्रतिनिधिसभाको शिक्षा स्वास्थ्य तथा सूचना प्रविधि समितिमा बोल्दै उनले मन्त्रीपरिषद्को विधेयक समितिमा छलफल गरेर टुङ्गि सक्नु पर्नेमा समितिमा रहेका दुई जना सचिव विदेशमा भएकोले अघि बढ्न नसकेको बताए ।
‘समस्या नभएको भए विधेयक यो साता संसदमा आइसक्नु पथ्र्यो,’उनले भने,‘ नसोचेको समस्या भयो । आज पनि मन्त्री परिषद्मा छलफल भएको छ । सचिव नभएको कारण प्रक्रिया रोकिएको हो ।’
मन्त्री परिषद्को विधेयक समितिमा रहेका दुई सचिव विदेश गएकै कारण विधेयक रोकिएको उनले बताए ।
‘मन्त्री परिषद्ले हप्ता दिनमा विधेयकको रिपोर्ट दिन निर्णय गरेको थियो । सचिवहरु १५ दिनलाई विदेश जानु भएछ । उहाँहरु नभए पछि काम रोकियो’ उनले भने ।
राजनीतिक परिवर्तन भएको यतिका बर्ष सम्म पनि शिक्षा ऐन निर्माण नहुँदा बदलिएको देशको संरचना अनुकुल शिक्षाका गतिविधि हुन सकिरहेका छैनन् ।
बुधबार बसेको संसदीय समितिका अन्य खबरहरु पढ्नुहोस्
प्रतिक्रिया