काठमाडौं - शंखमुल स्थित श्री लालीगुराँस उच्च मावि तीन विधामा उत्कृष्ट भएको छ । 

देशभरका ७ सय ४४ उमाविबिच मंगलबार राजधानीमा भएको प्रतिस्पर्धामा लालीगुराँस तीन विधामा उत्कृष्ठ भएको हो । सो उमाविले वेष्ट कलेज अफ द इयर,  मेनेजमेन्ट अफ द इयर र वेष्ट प्रिन्सिपल अफ द इयर–२०१७ प्राप्त गरेको हो ।  मिडिया एण्ड इन्टरटेन्मेण्ट प्रालिले देशभरका कलेजलाई समेटेर आयोजना गरेको कार्यक्रममा नेशनल पावर न्युज एजुकेशनल अवार्ड–२०१७ प्रदान गरिएको हो ।

कानुन तथा संसदीय राज्यमन्त्री दीलबहादर पाख्रिनले कलेजका प्रिन्सिपल भानुभक्त पोखरेललाई उत्कृष्ट प्रिन्सिपल र थप दुई विधाको अवार्ड प्रदान गरे । २०५६ सालमा स्थापना भएको कलेजले देशको शिक्षा क्षेत्रमा पु¥याएको योगदानको कदर गर्दै सो अवार्ड प्रदान गरिएको आयोजकले दावी गरेको छ ।